Paasissutissat kalaallisut

Immikkoortortaq K-L


Immikkoortortaq L kalaaliinnarnut inissitaagallartunut najugaqarfiuvoq, immikkoortortarli K kalaallinit qallunaanit allamiunillu eqqartuunneqarsimasunit najugarineqarluni.

Inissiisarfik kalaallinut inissitaagallartunut inissiiffittut immikkorluinnaq suliaqartuuvoq, Kalaallit Nunaannit eqqartuunneqarsimasunut Herstedvester-imi inissinneqartussanngorlugit, tassunga pissutaavoq Kalaallit Nunaanni inissiisarfimmiitinnissaat atorsinnaanngitsutut isigineqarmat, pissutigalugulu tarnikkut pissusaat allaassuteqarmata taamatulluunniit Kalaallit Nunaanni inissinneqassagaluarpata sillimaniarnermut tunngasut naammattumik pigineqanngimmata.

Immikkoortortami immikkut ittumi kalaallit inissinneqarsimapput, ulluinnarni inuunerminni namminneq pisariaqartitaannut immikkut ittunut inuunerat tulluarsarniassallugu. Kalaallit oqalutseqartinneqarput pædagogisk assistent-imillu sulisoqarlutik ulloq naallugu sulisartumik sammisassaqartitsisumik il.il. kalaallinut inissitaagallartunut, soorlu ilaatigut kalaaliminertugassanik pisiniussisarnikkut, sapaatillu akunneranut ataasiarluni kalaaliminertoqatigiinnissamik aaqqissuussisartumik. Tamatuma saniatigut Kalaallit Nunaanneersut parnaarussivimmi nakkutilliisartut ataavartumik nikittaallutik Herstedvester-imut suliartortarput.

Kalaallit inissiisarfimmiittut inissitaagallaqatitik allat naligilluinnarlugit peqataatinneqartarput nalinginnaasunik sammisassat tungaasigut sunngiffimmilu sammisassaqartinneqarnikkut. Aammattaaq arlalippaalussuit sammineqarsinnaasut qinigassaapput immikkut kalaallinut inissitaagallartunut tunngatitat, soorlu assersuutigalugu makkua:

  • Kalaallisut naalagiarneq, agguaqatigiissillugu qaammammut ataasiarluni  parnaarussiviup oqaluffiani ingerlanneqartartoq.
  • Ukiumut marloriarluni inissitaagallartunut Tapersersortit (bistandsværger) inissiisarfimmut qaaqquneqartarput katerisimaaqatigiinnissamut.
  • Ukiumut pingasoriarluni ilaqutaasunut nalliuttorsiualaarnermut nereqatigiinnertalimmut qaaqqusisoqartarpoq, tassani inissitaagallartut tapersersortitik qaaqqusinnaallugit. Ilaqutaasoq qanitaq tikeraarnissaminut Herstedvester-imiit ukiumut ataasiarluni akiliunneqarsinnaavoq, inissitaagallartoq Kalaallit Nunaannut tikeraarnissaminut akuerineqarsinnaanissaminut pisinnaatinneqanngippat. 
  • Inissitaagallartut kalaallit Kalaallit Nunaannut sianersinnaatitaapput akeqanngitsumik sapaatip akunneranut ataasiarlutik minutsini 15-ni.
  • Ukiut tamaasa juullilernerani ataatsimoorluni ingiaqateqarluni aneertoqartarpoq Danmarks Radio-p aaqqissuuttagaanut ”Kalaallit Nunaannut juullimut inuulluaqqusineq”-mut peqataanissamut.
  • Kalaallinut inissitaagallartunut immikkut ittumik ikiaroornartumik imigassamullu atornerluinnginnissamik katsorsartinnissamut periarfissaqarpoq, allallu katsorsartinnissamut qinigassat periarfissaapput inissitaagallartunut kalaallinut.

 Immikkoortortat K L-illu illumi malittarisassaat

 

Billeder

 


 

6/5 - 2014

Festlig indvielse af samtalebænken

En ny, rød, flot bænk er stillet op i Albertslund Centrum. Bænken er blevet fremstillet af anstaltens P2-værkstedet...... En samtalebænk, som blev in...